Pasinaon Basa Jawa Kaping Rong Atus Patang Puluh Loro Edhisi Mirunggan: 11 Januari 2013

Pigunanipun Basa Krama Alus

Kamus Unggah-Ungguh Basa Jawa, foto: Suwandi Tembi
Kamus Unggah-Ungguh Bahasa Jawa cocok untuk
belajar mengenal bahasa krama

Wonten sawetawis pawicantenan ingkang ngangge basa Krama Alus, antawisipun inggih menika:

5. Kangge ngripta basa sinerat ingkang perlu migunakaken unggah-ungguh basa jangkep tumrap para nupiksa.

Tuladhanipun

Ing ngandhap menika tuladha saperangan pawartos ing kalawarti ingkang nyariosaken semuwan ringgit tiyang kanthi lampahan “Parta Krama”.

Ringgit Tiyang Lampahan Parta Krama

Ing jejeran menika dipuncariyosaken bilih ngajengaken dhaupipun Raden Arjuna kaliyan Dewi Wara Sumbadra, Raden Arya Burisrawa saking praja Ngastina dipunkantheni Patih Arya Sengkuni sawadyabala sowan dhateng nagari Dwarawati saperlu ngayunaken Dewi Wara Sumbadra. Temtu kemawon Prabu Kresna keweden sanget panggalihipun.

Kangge nyapih kawontenan, Prabu Kresna lajeng mundhut bebana inggih menika srah-srahan temanten mawarni-warni awujud: kembang Krepa Dewa Daru, megar mayang Parijatha Kencana kanthi pangampil lan pangiring para widadari, gangsa Lokananta ingkang munya ing tawang, kebo danu pancal panggung cacahipun 100 saha kreta kencana saking praja Ngalengkadiraja.

Raden Arya Burisrawa bingung boten saged minangkani bebana menika. Dene Raden Arjuna lajeng nyuwun pambiyantu Raden Arya Werkudara kinen sowan Prabu Wibisana ing praja Ngalengkadiraja nyuwun kagunganipun kreta kencana. Ugi utusan Raden Arya Gathutkaca kabiyantu dening Begawan Mayangkara inggih pun Anoman, supados sowan Bathara Endra ing kahyangan nyuwun kebo danu pancal panggung ingkang cacahipun 100.

Dene Raden Arjuna piyambak dipunkantheni Bathara Kamajaya sowan Bathara Guru ing Suralaya saperlu nyuwun kembang Krepa Dewa Daru, megar mayang Parijatha Kencana dalah para widadari, saha gangsa Lokananta ingkang munya ing tawang.

Kabesut saking Marsudi Basa 2, Wulangan 3

Terjemahan dalam bahasa Indonesia

Fungsi Bahasa Krama Halus

Ada beberapa dialog yang menggunakan tataran bahasa krama halus, di antaranya, yaitu:

5. Untuk membuat bahasa tulis yang perlu menggunakan unggah-ungguh bahasa secara lengkap bagi para pembaca.

Contoh

Di bawah ini contoh petikan berita di majalah yang mengisahkan simbol wayang orang dengan lakon “Parta Krama”.

Wayang Orang Lakon Parta Krama

Pada babak ini dikisahkan apabila saat menjelang pernikahan Raden Arjuna dengan Dewi Wara Sumbadra, Raden Arya Burisrawa dari kerajaan Hastina diiringi Patih Arya Sengkuni beserta bala tentaranya datang ke kerajaan Dwarawati bertujuan hendak melamar Dewi Wara Sumbadra. Tentu saja Prabu Kresna hatinya sangat ketakutan.

Untuk meredakan suasana, Prabu Kresna lalu meminta syarat yaitu srah-srahan pengantin beraneka ragam berupa: bunga “Krepa Dewa Daru”, “megar mayang Parijatha Kencana” dengan pembawa dan pengiring para widadari, gamelan “Lokananta” yang berbunyi di angkasa, kerbau hutan “pancal panggung” berjumlah 100 ekor dan kereta emas dari kerajaan Alengkadiraja.

Raden Arya Burisrawa bingung tidak bisa memenuhi syarat tersebut. Sementara Raden Arjuna meminta bantuan Raden Arya Werkudara disuruhnya menghadap Prabu Wibisana di kerajaan Alengkadiraja untuk meminta kereta emas. Juga menyuruh Raden Arya Gathutkaca yang dibantu oleh Begawan Mayangkara, nama lain dari Anoman, agar menghadap Bathara Endra di kahyangan meminta kerbau hutan “pancal panggung” berjumlah 100 ekor.

Sementara Raden Arjuna sendiri didampingi Bathara Kamajaya menghadap Bathara Guru di Suralaya untuk meminta bunga “Krepa Dewa Daru”, “megar mayang Parijatha Kencana” beserta para bidadari, juga gamelan “Lokananta” yang berbunyi di angkasa.

Diolah dari Marsudi Basa 2, Pelajaran 3

Suwandi

Sumber diambil dari “Kamus Unggah-Ungguh Basa Jawa” karangan Drs. Haryana Harjawiyana, S.U. dan Drs. Th. Supriya, tahun 2001, penerbit: Kanisius Yogyakarta, hlm. 106-107.

Artikel Lainnya :


Bale Inap Bale Dokumentasi Bale Karya Bale Rupa Yogyakarta