ILANGE MORAL
Bangsa Indonesia ing wektu iki wis tansaya nguwatirake. Kabeh mau sawise sakabehing tatanan masarakat wis diaji nganggo dhuwit. Apa maneh sawise ing jaman reformasi iki. Ora ana barang sethithika sing diaji saliyane nganggo dhuwit. Mula ukurane wong mulya lan sukses saiki iki ya dhuwit. Angger dhuwite akeh lan nduweni barang-barang larang liyane mesthi dianggep wong mulya lan sukses. Embuh kuwi dhuwit asile korupsi, ngrampok, utawa tumindak nistha liyane. Angger ana wong gembel sing kacingkrangan dianggep wong nistha lan ora sukses. Ora ketang wong gembel mau sejatine aten-atene apik, gelem tetulung, ora gelem colong jupuk, lan ora ngrugekake wong liya. Nanging, gandheng panganggone ala, ora nduweni dhuwit, mobil, emas, motor, omah magrong-magrong, laptop, hp, lan barang larang liyane, dianggep wong ala.
Wolak-waliking jaman wis tansaya cetha. Wong kang korupsi tansaya ndadra. Meh kabeh pagaweyan wis dikebaki dening oknum-oknum koruptor. Coba yen didelok lan digatekake, wiwit saka kapolisen, pamulangan (pendhidhikan), DPR(D), gubernur, bupati, walikota, instansi ing pamarintah pusat lan dhaerah, kejaksaan, kehakiman, lan liya-liyane, wis akeh diprangguli oknum-oknum koruptor. Kamangka sejatine dheweke kabeh kuwi sing kudu dadi contone masarakat cilik. Kabeh padha lelomban golek bandha saakeh-akehe kanggo nggayuh kamulyan lan kasuksesan. Amarga sing dianggep sukses lan mulya iku yen akeh nduweni bandha donya.
Mula akeh sing sabanjure uripe keblinger. Tumindak-tumindak nistha akeh katindakake. Ora ketang sejatine tumindak nistha iku ngrugekake masarakat. Wong padha tumindak nistha, wis ora nggubris maneh tumindak sing ditindakake iku nerak pranatan lan moral sing becik. Angger tumindak mau bisa numpuk badha mesthi katindakake. Yen mengkone kecekel, banjur lagi bisa alesan yen kabeh mau dijiret dening wong-wong sing ora seneng. Mula saiki akeh wong ora jujur lan blaka. Wong jujur wis langka amarga kalah karo akehe wong culika lan goroh. Wong jujur dianggep bakal nemahi ajur. Kaya sing nembe wae kedadeyan ing Surabaya Jawa Timur, karepe kepengin jujur nglapurake julige ing sekolahane anake, nanging malah ajur, dimungsuhi masarakat, malah kepara dikon lunga saka kampunge. Moral becike bangsa Indonesia pancen wis nguwatirake banget. Telung puluh taun maneh negara iki arep dadi apa, yen kabeh wis dikebaki dening tumindak goroh lan mung mburu dhuwit lan bandha donya.
Berita
HILANGNYA MORAL
Bangsa Indonesia di saat sekarang sudah semakin mengkhawatirkan. Itu semua setelah seluruh tatanan kehidupan di masyarakat sudah dinilai dengan uang. Apalagi setelah menginjak zaman reformasi ini. Tidak ada barang sedikitpun yang dihargai selain dengan uang. Maka untuk standar orang sejahtera dan sukses saat ini adalah dengan ukuran uang. Jika uangnya banyak dan memiliki barang-barang mewah atau mahal lainnya tentu dianggap orang sejahtera dan sukses. Entah uang itu hasil korupsi, merampok, atau perbuatan jahat lainnya. Sebaliknya, apabila ada orang miskin yang kekurangan dianggap orang jelek dan tidak sukses. Walaupun sebenarnya orang miskin itu berbudi baik, suka menolong, tidak mau mencuri, dan tidak merugikan orang lain. Tetapi, berhubung penampilannya jelek, tidak memiliki uang, mobil, emas, motor, rumah mewah, laptop, hp, dan barang mahal lainnya, dianggap orang hina.
Terbolak-baliknya zaman sudah semakin jelas. Orang yang melakukan korupsi semakin merajalela. Hampir semua pekerjaan sudah dipenuhi oleh oknum-oknum koruptor. Coba jika dilihat dan diperhatikan, mulai dari kepolisian, pendidikan, DPR(D), gubernur, bupati, walikota, instansi di pemerintah pusat dan daerah, kejaksaan, kehakiman, dan sebagainya, sudah banyak ditemui oknum-oknum koruptor. Padahal sebenarnya mereka semua itu seharusnya menjadi contoh teladan bagi masyarakat kecil. Semua berlomba-lomba mencari harta benda sebanyak-banyaknya untuk meraih kesejahteraan dan kesuksesan. Sebab yang dianggap sejahtera dan sukses itu jika banyak memiliki harta benda.
Maka selanjutnya banyak yang hidupnya tersesat. Perbuatan-perbuatan hina banyak dilakukan. Walaupun sebenarnya perbuatan hina itu sangat merugikan masyarakat. Banyak orang berbuat hina. Mereka sudah tidak menggubris lagi moral yang baik dan melanggar aturan yang ada. Asalkan perbuatan itu bisa untuk mengumpulkan harta benda tentu dilakukan. Jika nantinya ketahuan lalu ditangkap, baru bisa beralasan jika semua itu dijebak oleh orang-orang yang tidak senang. Maka sekarang banyak orang tidak jujur dan terus terang. Orang jujur sudah langka karena kalah dengan banyaknya orang jahat dan pembohong. Orang jujur dianggap akan menemui kehancuran. Seperti yang baru saja terjadi di Surabaya Jawa Timur, yang hendak berbuat jujur dengan melaporkan kecurangan di sekolah tempat anaknya, tetapi malah menemui petaka (hancur), dimusuhi oleh masyarakatnya, bahkan sempat diusir dari kampungnya. Moral baik bangsa Indonesia memang sudah sangat mengkhawatirkan. Tiga puluh tahun lagi negara ini akan menjadi apa, jika semua sudah dipenuhi oleh perbuatan bohong dan hanya mengejar uang dan harta benda belaka.
Teks oleh : Suwandi
Ilustrasi oleh : Sartono
Artikel Lainnya :
- UJIAN TARI PERIODE KE-3 SANGGAR ANAK Tembi(05/08)
- SULITNYA MEMBANGUN PERADABAN BANGSA(25/05)
- Seni Pertunjukan Indonesia di Era Globalisasi(01/08)
- Sruti Respati Membawa Seni Budaya Tradisi Keliling Dunia(31/10)
- JUDUL BUKU 80(18/04)
- 21 Juni 2010, Suguhan - ULAM CEMENG DI Tembi(21/06)
- Situs Sumur Bandung dan Watu Kenong di Bukit Piyungan(01/03)
- SLONDHOK RENTENG PAK MUL CAMILAN KHAS LAIN DARI SLEMAN(28/09)
- SUARA GEROBAK DAN GENTA ITU TIDAK ADA LAGI(07/01)
